Me vendim të Këshillit të Ministrave, kryeministri Edi Rama ka caktuar zëvendëse të Ministrisë së Infrastrukturës dhe Energjisë, Enkelejda Muçajn.
Më parë ka mbajtur postin e Avokates së Shtetit. Ajo ka mbajtur këtë post deri në qershorin, teksa ka mbrojtur shtetin në gjyqin kundër biznesmenit italian Francesco Becchetti në Arbitrazh që Shqipëria e humbi.
Po ashtu Muçaj ka qenë Këshilltare Ligjore e Ministrit të Kulturës Rinisë dhe Sporteve të Shqipërisë, ndërsa ka ofruar ekspertizë autoriteteve të qeverisë shqiptare në lidhje me harmonizimin e legjislacionit kombëtar me ligjin ndërkombëtar të pronësisë intelektuale.