Izolohet zjarri në Novoselë

Pas dy orësh punë, forcat zjarrfikëse kanë arritur të izolojnë vatrën e zjarrit që shpërtheu në Novoselë, duke shmangur rrezikun për banesat pranë zonës së përfshirë nga flakët. Zjarri ra në një sipërfaqe me shkurre, barishte dhe ullinj, ndërsa për shkak të afërsisë me zonën e banuar u ndërmor menjëherë ndërhyrja e shërbimeve zjarrfikëse. Dy mjete zjarrfikëse u angazhuan në operacion për vënien nën kontroll të flakëve.