Edhe pse u lanë jashtë listës së sigurt të PS-së, disa kandidatë të kësaj partie deri më tani kanë marrë një numër të konsideruesjme të votave. Figura të njohura të PS-së si Pandeli Majko, Mimi kodheli apo Fatmir Xhafaj, duket se kanë mundësi që ta thyejnë herësin dhe të futen në Kuvend.
Konkretisht në Tiranë janë numëruar 220 nga 1243 qendra votimi dhe rezulton se nr. 19 Pandeli Majko ka marrë 792 vota, nr. 21 Mimi Kodheli 658 vota, nr. 23 Fatmir Xhafaj 3179 vota, nr. 27 Spartak Braho 188 vota dhe nr 35 Halit Valteri 585 vota.
Nga ana tjetër, 2 kandidatet e para të listës së PS-së në Tiranë Luljeta Bozo dhe Najada Çomo konkretisht kanë marrë 835 dhe 247 vota.
Më të votuarit në kryeqytet janë nr. 10 Belinda Balluku me 5575 vota, nr. 9 Elisa Spiropali me 2199 vota dhe nr. 12 Etjen Xhafaj 2154 vota. Në Tiranë, PS ka marrë deri më tani 18 mandate deputetësh, PD-AN 15 dhe LSI vetëm 1 mandat.