Jeta luksoze e mjekut ruso-hebre që bënte trafik organesh

Një mjek rus-izraelit, Boris Volfman për të cilin “Rai” italian shkroi ditën e sotme se është arrestuar në Shqipëri, në fakt rezulton i arrestuar në Turqi në dhjetor të vitit të kaluar.

Volfman, që ka pasaportë izraelite dhe ruse, është i akuzuar për trafik organesh në Turqi. Ai është arrestuar më 4 dhjetor të vitit 2015 atje, pasi është përfshirë në një skandal të trafikut të organeve.

Volfman së fundmi rekrutonte refugjatë sirianë në Turqi dhe u kërkonte organe në këmbim të ndihmës për azil në vendet e BE¬së.

Po ashtu, Volfman dyshohet se ka lidhje edhe me një klinikë në Shqipëri, të një mjeku tjetër rus llogaritë e të cilit janë bllokuar nga Prokuroria. Edhe kjo klinikë në Shqipëri merrej me transplante organesh dhe është nën hetim.

Ndërkohë, burime të “Panoramës” brenda Policisë thonë se nuk rezulton asnjë person i arrestuar me të njëjtin emër.

Volfman kërkohet në disa vende të BE¬së për të njëjtën akuzë. Ai dyshohet se ka qenë i përfshirë edhe në një klinikë tjetër në Kosovë.

Bashkëshortja e 32¬vjeçari, një shtetase ukrainase e quajtur Yuli, reklamon në rrjetet sociale jetën luksoze të tyre. Volfman kishte një vilë luksoze në Stamboll dhe një apartament.