Jeta në fshat, baltë dhe gropa me ujë për të shkuar në shtëpi

Kjo është rruga që detyrohen të kalojnë çdo ditë rreth 1 mijë banorët e disa fshatrave të komunës së Cakranit në Fier. Ky segment nuk është më shumë se dy kilometra deri në aksin nacional Levan-Tepelenë. Por një pjesë e banorëve detyrohen të bëjnë mbi 10 kilometra për të shmangur këtë rrugë. Banorët shprehen se nuk u thonë dot fëmijëve në mërgim që të kthehen vetëm për shkak të rrugës. Nga njësia administrative e Cakranit jashtë kamerave pohojnë se ndërtimi i kësaj rruge nuk është planifikuar në projektet e investimeve të vitit 2025 që ka bashkia e Fierit.