Jeton Lami refuzoi ofertën e SPAK për Ervis Martinaj

SPAK vijon që të gjejë mënyra për të zbuluar se çfarë u bë me Ervis Martinajn, dhe ka negociuar me ish-agjentin e Operacionales, Jeton Lamin për ta kthyer në bashkëpunëtor të drejtësisë, por ai refuzoi.

Bashkëpunimi me Jeton Lamin konsiderohet me tepër rëndësi për SPAK, pasi deklarimet e tij mund të hedhin dritë dhe për fatin e Martinajt, që prej 7 muajsh rezulton i zhdukur.

Ish-agjenti i Operacioniales u arrestua në gusht të 2022, vetëm disa ditë pasi familja e Ervis Martinajt kallëzoi humbjen e kontakteve me të shumëkërkuarin. Jeton Lami rezultoi ndër personat e fundit që kishte patur kontakte me Martinajn, e vërtetuar dhe me pamje filmike në një hotel në Durrës.