Jorida Tabaku: Premtimet e Ramës si listat 100 % të hapura!

Kryeministri Edi Rama në kuadër të premtimeve elektorale për zgjedhjet e vitit të ardhshmë deklaroi sot e se do të krijohet skema e punësimit për të gjithë ata që kanë humbur vendin e punës si pasojë e pandemisë. Rama, i cili kërkon mandatin e tretë me të gjitha format, gjithashtu, u shpreh se në javët në vijim do të paraqitet dhe skema e rritjes së pagave për mësuesit dhe mjekët. Por këto deklarata të Edi Ramës janë të ngjashme me ato të listave të hapura, ku në fatk, në draftin e PS-së për ndryshimet në Koduin Zgjedhor, vetëm për hapje të listave nuk bëhet fjalë.

Reagimi i Tabakut

–        30 mijë shqiptarë kanë aplikuar për azil vetëm brenda një viti në vendet e BE-së

–        Rreth 100 mijë shqiptarë humbën vendin e punës nga muaji mars deri më sot.

–        61% e bizneseve kanë dalë pa fitim që nga muaji qershor.

–        Më shumë se 30% e qytetarëve ishte në kufijtë e varfërisë në 2018 dhe kjo shifër do rritet edhe më shumë sipas BB.

Ka 8 vjet që premton, ka 8 vjet që mashtron, ka 8 vjet që mohon realitetin e varfërisë në Shqipëri. Ka 8 vjet që mohon shqiptarët që enden dyerve të BE-së njësoj si sirianët që janë në luftë.

Për çdo prag zgjedhjesh i njëjti avaz. Premton për të gënjyer.

Por faktet janë e vërteta që nuk fshihet. Janë 100 mijë shqiptarë që kanë humbur vendin e punës. Me shume se 40% e shqiptarëve janë në skamje.

Pas 8 vitesh shfaqet sërish duke bërë të njëjtat premtime, a thua se shqiptarët nuk dëgjojnë dhe nuk e provojnë në lëkurën e tyre varfërinë. Në vend të fjalëve dhe propagandës bajate qytetarët kanë sot nevojë për zgjidhje konkrete me një plan të qartë dhe afatgjatë zhvillimi dhe punësimi.

Shqipëria në punë është plani konkret i Partisë Demokratike që do të zbatohet menjëherë që ditën e parë në qeverisje.