Kamioni del nga rruga në ”Rrugën e Kombit”, shoferi shpëton për mrekulli

Një kamion është përplasur këtë të enjte me trafikndarësen në ”Rrugën e Kombit”, por fatmirësisht ka vetëm dëme materiale. Pranë fshatit Kolsh, kamioni ka pësuar defekt në sistemin e frenimit, ndërsa drejtuesi i tij ka humbur kontrollin mbi mjetin. Ka shpëtuar mrekullisht, pasi për pak kamioni me tonazh të rëndë mund të përfundonte në greminë. Kamioni ishte i mbushur me produkte mishi dhe kishte dhoma frigoriferike. Ai ka arritur të dalë në kohë nga automjeti pa pësuar lëndime. Policia ndodhet në vendngjarje dhe po punon për zbardhjen e plotë të rrethanave të ngjarjes.