Kandidatët e rrezikuar nuk i binden urdhrit të Ramës, kërkojnë votat për veten jo për PS-në

Në betejën elektorale të 25 prillit nuk do të ketë vetëm një garë mes partive politike, por edhe mes kandidatëve, që duhet të marrim sa më shumë vota për të thyer emrat që ndodhen në listat e sigurta. Kjo ka shkaktuar një problem, pasi kandidatët po bëjnë fushatë politike për emrat e tyre, duke harruar që ti bëjnë thirrje që të votojnë PS-në. Madje ato kanë shpërndarë edhe postera me numrin e tyre dhe jo atë të PS-së.

Kjo bëri që Rama një ditë më parë të zhvillonte një mbledhje urgjente me kandidatët duke i udhëzuar që të heqin urgjentisht posterat e tyre në rrjetet sociale apo në zyrat elektorale, pasi kështu krijojnë konfuzion te njerëzit

Disa prej kandidatëve për deputetë të Partisë Socialiste, kanë reflektuar pas mbledhjes online të zhvilluar pasditen e djeshme me kreun e qeverisë Edi Rama, për të kërkuar vota për Partinë Socialiste dhe jo në emër të tyre.

Në afatin kohor prej 11-12 orësh e deri më tani disa prej kandidatëve kanë ndryshuar logot zgjedhore në profilin e tyre. Tashmë ato kanë vendosur në foto kryesor thirrjet për votuar numrin 12 të PS-së. Por sipas një vëzhgimi të bërë, jo të gjithë e kanë bërë një gjë të tillë. Ato që janë në vijën e zjarrit si Pandeli Majko, Pandeli Majko apo dhe Mimi Kodheli po i mbajnë këto postera ku i bëjnë thirrje që të votojnë për numrin e tyre në listë. Ndërsa Eduard Shalsi ka gjetur zgjidhjen që të vendos edhe numrin e PS-së në fletën e votimit, por edhe numrin e tij në listën e kandidatëve për deputetë në qarkun  Tiranës.

Me poshte disa prej fotove te postuara ne rrjetet sociale:

Burimi: Gazeta Shqip