Kandidati i PD-së, Kapllanaj: Mbështetje për infrastrukturën rrugore në Mallakastër

Kandidati i Partisë Demokratike zyrtare për bashkinë Mallakastër, Agron Kapllanaj zhvilloi këtë të prremte një takim me banorët në Greshincë.

Gjatë bashkëbisedimit me qytetarët, ai tha se ata i shprehën shqetësimin për mungesën e infrastrukturës dhe investimeve. Kapllanaj tha edhe sesi çdo vend në Mallakastër, por edhe në të gjithë Shqipërinë, problem mbetet edhe shpopullimi.

”I njoha ata me projektin tim të punës, me rikthimin në krye të Bashkisë Mallakastër. Do të kem në vëmendje infrastrukturën rrugore, ujësjellësin dhe mbështetjen në sektorin bujqësor. Bashkia do te jetë derë e hapur dhe mbështetësja kryesore për çdo qytetar mallakastriot”, tha ai.