Teksa edhe numërimi i votës që qytetarëve votues për kandidatët e preferuar po shkon drejt fundit, një emër po bën bëjë në media. Sara Mila është një nga suprizat e PS-së në këto zgjedhje. Edhe pse vetëm 29-vjeçe dhe me një profil modest publik, ajo rezulton më e votuara mes të gjithë socialistëve në listat e hapura në qarkun Elbasan. Mila një nëpunëse e Shërbimit Social Shtetëror dhe figurë e panjohur deri ditën që shpalli kandidaturën. Me pothuajse dyfishin e votave nga kandidati pasardhës, Mila rivalizon në rezultat me rekordin e kapur në vitin 2021 nga ish-kreu i qarkut, Taulant Balla.
Për të foli në mbledhjen me drejtuesit politikë edhe Sali Berisha. ”Ylli i kësaj fushatë Sara Mila e cila arriti në 30 mijë vota po tani po i ulin votat sepse bëhet barcaletë botërore se si e panjohura u bë më e votuara në zgjedhjet e narkoshtetit shqiptar. Bandat aty ku panë se puna e nëndheshme mund të mos realizonte objektivin dolën haptas në terren në një seri bashkish”.
Por për të mos e “baltosur” figurën e saj, siç tha edhe ajo vetë, deri në shpalljen e kandidatëve, Sara Mila nuk ka patur asnjë takim përpara ditës që emri i saj u konfirmua si pjesë e listave të hapura në Partinë Socialiste. Kështu, Sara Mila e nis aktivitetin politik më tetor të 2024 me një video, ku njofton nisjen e aplikimit te “Deputeti që Duam”. Nga tetori i 2024 e deri më 28 mars kur ajo u konfirmua si kandidate, sërish nuk ka asnjë postim. Më 28 mars 2025, kur emri i saj doli, Sara ndezi motorët për të mos u ndalur pa 18 mijë vota.
