Kaos në Qafë-Thanë, 3 orë pritje për udhëtarët

Të shkosh drejt Maqedonisë së Veriut nëpërmjet pikës së kalimit kufitar të Qafë Thanës po bëhet “ferr”, pasi udhëtarët janë të detyruar të presin deri në 3 orë për të kaluar nga njëri vend në tjetrin. Paçka lajmërimit nga të dyja ministritë e brendshme të Shqipërisë dhe Maqedonisë së Veriut se koha e pritjes do të shkurtohej me marrëveshjen e re, ende nuk ka një sistem të ri dhe marrëveshja nuk është në zbatim. Udhëtarët janë të detyruar të presin me orë të tëra në temperatura të larta.