Kapet 59-vjeçari në Elbasan, shtirej si sekser i pedagogëve
Policia e Elbasanit ka vënë në pranga një shtetas 59 vjeç në Elbasan pasi mashtronte studentët.
Sokratik Nika shtirej si sekser i pedagogëve duke u kërkuar para studentëve për provimet.
Nga hetimet ka rezultuar se Nika i kishte dhënë garanci një të riu 20-vjeçar se njihte pedagogët e Fakultetit Ekonomik në Universitetin Aleksandër Xhuvani dhe se mund të ndikonte që të merrte provimet.
Autoritetet policore lokale njoftojnë më tej se, materialet hetimore i kanë kaluar prokurorisë së rrethit për procedim të mëtejshëm të 59-vjeçarit Nika, nën akuzën e “ushtrimit të ndikimit të paligjshëm ndaj personave që ushtrojnë funksione publike”.