Kapet Borana, ndihmoi bashkëshortin të përdh*nonte një vajzë

Në prangat e Policisë së Lushnjes ka rënë Borana Faslliu, e dënuar me 3 vjet e 4 muaj burgim, për veprën penale “marrëdhënie seksuale me dhunë, me të rritura”. Ajo ishte shpallur në kërkim.

Në dhjetor të vitit 2020, Borana Faslliu ka ndihmuar bashkëshortin e saj në përdhunimin e një vajze 26 vjeçe. Mësohet se teksa 35-vjeçari e abuzonte, Borana ka qenë e pranishme dhe ka mbajtur me forcë të renë.

Gjykata e Apelit e ka dënuar 30-vjeçaren me 3 vite e 4 muaj burgim. Arratia e autores përfundoi sot, kur policia arriti ta vërë në pranga në qytetin e Durrësit.

Bashkëshorti i saj ndodhet në qeli, pasi u vu në pranga një ditë pas ngjarjes së rëndë. Edhe ai është shpallur fajtor për veprën penale “marrëdhënie seksuale me dhunë, me të rritura”.