Kastriot Islami: Zgjedhjet i fitoi opozita!
Kastriot Islami thotë se këto zgjedhje i fitoi Partia Demokratike.
Sipas tij, Partia Socialiste ka marrë më pak vota, edhe pse kishte më shumë parti në koalicion.
Islami shkruan se shqiptarët i dhanë një goditje “oligarkëve”, ndërsa PD mori më shumë vota, edhe pse disa parti u larguan nga koalicioni i saj.
“Por cili është rezultati i zgjedhjeve të vitit 2015?
Nga përllogaritja e projeksioneve, rezulton se mazhoranca oligarkike nuk mund të sigurojë më shumë se 830 mijë vota, kurse opozita e djathtë mund të arrijë deri në 660 mijë vota.
Pra, hendeku fillestar oligarkik prej 450 mijë votash do të reduktohet në 170 mijë vota.
Ky është një sukses shumë i madh i votuesve shqiptarë, të cilët nën kërcënimin e mazhorancës së madhe oligarkike, me abstenimin e tyre, arritën të zvogëlonin hendekun prej 450 mijë votash gati tre herë.
Në terma përqindjesh, kjo do të thotë që votuesit shqiptarë, të kërcënuar dhe frikësuar, vetëm me abstenimin e tyre, e kanë reduktuar hendekun oligarkik me rreth 20 përqind.
Asnjë popull tjetër nuk e ka mundur oligarkinë me veprim elektoral, pra me votë apo me abstenim, për një kohë kaq të shkurtër dhe me një shkallë kaq të lartë suksesi,” shkruan Islami për “Panorama”.