Kastriot Reçi u ekzekutua me një plumb në zemër

Ka qenë vetëm një plumb i qëlluar direkt e në zemër, ai që i ka marrë jetën 47-vjeçarit Kastriot Reçi nga Rrësheni.

Ky detaj është konfirmuar nga spitali i Rrëshenit, ku edhe ka mbërritur trupi i pajetë i 47-vjeçarit pasi u ekzekutua në mes të këtij qyteti.

Trupi i tij ndodhet ende në morgun e spitalit të Rrëshenit.

Ishte ora 11:05 minuta e paradites së sotme, kur Reçi ishte vetëm pak metra larg lokalit të tij ‘Mirdita’ në qendër të Rrëshenit, kur u ekzekutua me një plumb snajperi.

Policia thotë se ka gjetur armën e krimit, por asnjë shenjë nga autorët.

Për të zbuluar autorin apo autorët, policia ka dhënë 20 milionë lekë për këdo që ka informacion në lidhje me këtë ekzekutim.