Kavaja me mjete moderne për Shërbimin Zjarrfikës, ambasadori i Austrisë: Mbështesim Shqipërinë drejt BE-së

Ambasadori i Austrisë në Shqipëri, Christian Steiner, ka ritheksuar se vendi i tij do të vazhdojë ta mbështesë shqipërinë në proceset integruese të saj.

Nga qyteti i Kavajës, ku ka marrë pjesë në ceremoninë e dhurimit të një makine dhe mjeteve të tjera moderne për Shërbimin Zjarrfikës të këtij qyteti, ambasadori Steiner tha se ndihet i lumtur që marrëdhënia e mirë dhe niveli i bashkëpunimit ndërmjet dy vendeve nuk mbetet vetëm në nivel qeverish, por prej vitesh ai është shtrirë edhe në nivele të tjera, duke kontribuar në sektorë të ndryshëm me qëllim përmirësimin e shumë shërbimeve në Shqipëri.

“Qeveria e re e krijuar rishtazi nga janari i këtij viti do të vazhdojë ta mbështesë Shqipëri në proceset e saj integruese. Në mënyrë ekspilicide në programin e qeverisë Austriake është përmendur që Qeveria Austriake do të përkrahë intensivisht në mënyrë të vazhdueshme procesin e integrimit të Shqipërisë dhe Maqedonisë së Veriut në anëtarësimit në Bashkimin Europian. Unë jam shumë i lumtur që kjo marrëdhënie e mirë nuk ekziston minidis dy vendeve tona vetëm në nivele shtetërore, por që kjo marrëdhënie e mirë dhe përkrahje ekziston edhe në nivele lokale, ku njerëzit me iniciativën e tyre private ndihmojnë në një bashkëpunim edhe më të suksesshëm”, tha ambasadori.

Kryetari i Bashkisë së Kavajës, Redjan Krali, u shpreh se mardhëniet e shkëlqyera dypalëshe kanë ndikuar në rritjen e bashkëpunimit ndërsa i ka falenderuar miqtë nga Austria për ndihmën dhe mbështetjen e pakyrsyer ndaj shërbimit Zjarrfikës dhe mjeteve moderne të dhuruara.

Me ndihmën e Shoqatës Austriake për Krijimin dhe Promovimin e Njësisë Vullnetare të Zjarrfikësve është krijuar sot në Kavajë Njësia e parë Vullnetare e zjarrfikëse në Shqipëri e përbërë vetëm nga vullnetarë.

Në më pak se 1 vit, Shërbimi Zjarrfikës i Kavajës është ndihmuar me dy mjete të reja dhe paisje moderne nga austria.

Në shenjë mirënjohjë për kontributin e madh dhe angazhimin e vyer që Komandanti Jozef Shvarc-men-seder i ka ofruar qytetarëve të Kavajës, Këshilli Bashkiak i mbledhur posaçërisht me datë 20 Janar 2020, i rakordon atij titullin “Qytetar Nderi” për misionin e palodhur në sektorin zjarrfikës.