Këlliçi merr pjesë në darkën festive të Trump-Vance: Presidencë përbashkuese dhe paqebërëse

Ish-deputeti i PD-së, Belind Këlliçi ishte pjesëmarrës në mbrëmjen festive ”Liberty Ball”, të organizuar nga Shtëpia e Bardhë pas ceremonisë së inagurimit të Presidentit të 47-të të Amerikës, Donald Trump. Përmes një reagimi në rrjetet sociale, Këlliçi tha se presidenti Trump i shoqëruar nga Zonja e Parë, Melania dhe fëmijët e tij, së bashku me zëvendësin e tij, JD Vance, i shoqëruar nga zonja e tij, Usha Vance, teksa përshëndeti të ftuarit, riafirmoi premtimet e tij të dhëna gjatë fushatës elektorale.

Postimi i plotë

Kënaqësi e jashtëzakonshme të isha pjesë e mbrëmjes festive Liberty Ball, në të cilën Presidenti Trump, i shoqëruar nga Zonja e Parë Melania dhe fëmijët e tij, si dhe Zv. Presidenti JD Vance, i shoqëruar nga zonja e tij, Usha Vance, përshëndeti të ftuarit dhe riafirmoi premtimet e tij të dhëna gjatë fushatës elektorale. Përmes ovacioneve USA! USA!, Presidenti Trump u shpreh i qartë dhe i prerë se dëshiron që trashëgimia e tij politike të jetë ajo e një Presidenti përbashkues dhe paqebërës në mbarë globin. Zoti e bekoftë Amerikën.