Këlliçi nga Teksasi: Berisha në takime me kongresmenë, fjalimi i Trump kulmon Konventën Republikane

Deputeti i PD-së, Belind Këlliçi ndodhet në Amerikë dhe nga aty flet për pjesëmarrjen e delegacionit shqiptar në Konventën e Partisë Republikane në Teksas.

Këlliçi tha se aktiviteti që zgjat rreth pesë orë, do të kulmojë me fjalimin e Presidentit amerikan Donald Trump. “Pa diskutim do të kulmojë me fjalën e Presidentit Donald Trump”, u shpreh ai.

Sipas Këlliçit, Sali Berisha ka zhvilluar tashmë takime me disa kongresmenë amerikanë. “Zoti Berisha është në takim me një kongresmen, ndërkohë që ne po flasim”, deklaroi ai për ”A2cnn”.

Këlliçi nuk konfirmoi nëse Berisha do të zhvillojë takime me Marco Rubio, JD Vance apo Donald Trump, por theksoi se ka interes nga politikanë amerikanë për t’u takuar me të.