Drejtuesi politik i PD për qarkun Tiranë, Belind Këlliçi ka vijuar me takimet në Njësisë 9. Teksa ka postuar foto nga takimet, dhe bën thirrje për votë ndaj PD, Këlliçi jep edhe një mesazh. Sipas tij, qeveria e ka kthyer Shqipërinë si një çiflig për të zhvatur dhe jo Atdhe për të përfaqësuar.
Për të hapat e përbashkët deri në 11 maj i japin fund jo vetëm kësaj qeverie, por të gjithë këtij modeli politikëbërje!
”Ecim së bashku në rrugët e paasfaltuara dhe të shkatërruara, për shkak të papërgjegjshmërisë së atyre që Tiranën dhe Shqipërinë e kanë parë si çiflig për të zhvatur dhe jo Atdhe për të përfaqësuar. Hapat tanë të përbashkët deri në 11 maj i japin fund jo vetëm kësaj qeverie por të gjithë këtij modeli politikëbërje! Bashkë, kthejmë në normalitet rrugët, qytetin, vendin tonë”,-shkruan Këlliçi.
