Kërcënimi me jetë për Bashën: Kujdes kur të dalësh në verandën e shtëpisë

Aktualitet E Shtunë, 10 Prill 2021 22:54

Emiljano Shullazi do te merret ne pyetje nga prokuroret në lidhje me kërcënimin ndaj kreut të opozitës Lulzim Basha.

Burimet pranë Prokurorisë së Përgjithshme, i thanë ABC se është planifikuar që gjatë javës së ardhshme Shullazi të jap versionin e tij për kallëzimin e deputetës Voltana Ademi.

Ajo pretendon se, Emiljano Shullazi i shoqëruar nga disa persona te tjere, e ka takuar në një lokal në "Rrugën e Kavajës" per t’i transmetuar Lulzim Bashes nje mesazh.

Sipas kallëzimit, Shullazi i ka thënë deputetes Ademi keto fjale: “Të fala kryetarit tënd Lulezim Basha dhe thuaj kujdes kur te dale ne veranden e shtepise”.

Kjo fjali, është cilësuar kërcënim nga opozita, për faktin se mendohet qe Shullazi e ka vëzhguar kryetarin e demokrateve ne banesës së tij pranë stadiumit “Qemal Stafa” në Tiranë.