Kërpaçi takon maturanten që synon studimet në Europë: Për shkak të mundësive të privuara në vend

Kryetarja e LRI-së, njëherësh edhe kandidate për deputete në listën e qarkut Tiranë, Floida Kërpaçi këtë të enjte është takuar me një nga maturantet që dëshiron që studimet e larta ti kryejnë në një nga vendet e Europës. Sipas Kërpaçi, kjo dëshirë vjen për shkak të mundësive të privuara për arsim cilësor në vend.

‘‘Sot takova për herë të parë Fjorela Thanasi, një nxënëse shumë e mirë, maturante këtë vit në një nga gjimnazet e Tiranës. Një studente e ardhshme me dëshirën e madhe për të studiuar në një nga vendet më të zhvilluara të Evropës, për shkak të mundësive të privuara për arsim cilësor në Shqipëri. 25 Prilli duhet të jetë moment ndryshimi që çdo i ri shqiptar të gjejë mundësi arsimi, punësimi dhe zhvillimi këtu në shtëpinë e tij. Ky është misioni madhor i LSI pas 25 Prillit”,-shkruan Kërpaçi.