“Këta me syze të errëta do vendosin luftëtarët e të mirës kundër të keqes”, Lubonja: Pse OFL-ja është organ i pabesueshëm

Analisti Fatos Lubonja e cilësoi Operacionin Forca e Ligjit, që po godet personazhe të krimit dhe pasuritë e tyre, një organ të pabesueshëm. I ftuar në emisionin “Real Story”, në ‘News24’ Lubonja tha se problemi në këtë vend është se pushteti gjithmonë ka abuzuar dhe se drejtësia në këto raste ka qenë e pafuqishme. Po ashtu ai nuk i kurseu irontë, ndërsa shtoi se “Këta me syze të errëta do vendoskan luftëtarët e të mirës kundër të keqes”.

Lubonja: Cili është problemi kryesor që kemi pasur ne? Për të cilin u ndërtua dhe reforma në drejtësi. Problemi është se kush ka marrë pushtetin, ka abuzuar me korrupsion, me lidhje me krimin, etj,. Dhe drejtësia ka qenë e pafuqishme ndaj tyre. Po ju jap dy shembuj. Ndodhi 21 Janari. Ishte laboratori i Ministrisë së Punëve të Brendshme që mund të bënte ekspertizën e armëve, por meqenëse se kjo ministri ishte në duart e partisë në pushtet, i çuan në Amerikë. Rasti tjetër është rasti i këtij vëllait të Xhafajt. Thanë; “Nuk kemi ne ekspert që na të identifikojë zërin”. Ndërkohë që ne duhet t’i kishim më të mirë. Se thuhet se dhe gjuha e vendasit duhet të kuptohet.

Minxhozi: Herën e fundit që morën një zë për të verifikuar, e di si doli. Jashtë do shkoj ajo punë. Është ndeshje e shitmë brenda Fatos.

Lubonja: Ti po thua atë që them unë, po e shkurt. Mos më ndërprit.

Minxhozi: Më fal.

Lubonja: Ideja është që na duhet drejtësi e pavarur nga pushteti. Në këtë mënyrë do kemi besim se do luftohen lidhjet e krimit me politikën. Këta kanë bërë një akt normativ në të cilin i japin fuqi organit të pabesueshëm. Zotëria thotë; “Kemi nisur luftën kundër kanabisit”. Po cila ka qenë akuzat mbas Lazaratit; ‘u lazaratizua Shqipëria’. Kemi një ministër të Brendshëm, që u akuza (Tahiri). Kemi tjetrin, vëllai i lidhur…në Itali (Xhafaj). Mosbesimi tek pushteti është i ngulitur thellë. S’po flas pastaj për akuzat për vjedhjen e votës, që janë përgjuar apo nga ndërtimi i pallateve. Janë kaq shumë gjëra që i bëjnë të pabesueshëm, saqë u ndërtua gjoja reforma në drejtësi. Tani del një gjë që varet nga qeveria. Dalin këta me syze të errëta që do vendoskan lufëtarët e të mirës kundër së keqes. Mos të harrojmë se Edi Rama kur ka thënë për bashkëpunimin me Ilir Metën në një kohë kur e kishte akuzuar për të lidhur me krimin, tha: “Është sistemi dhe jo njeriu”. Po këtu ça po bëhet? Asgjë s’po bëhet, s’ka asnjë ndryshim strukturor dhe thotë ‘do kapim njerëzit’.”, tha Lubonja.