Klerikët mesazhe për solidaritet dhe angazhim social

Besimtarët e krishterë në të gjithë vendit kremtojnë sot Krishtlindjen. Klerikët dhanë mesazhe për solidaritet e angazhim social në të mirë të vendit, ndërsa besimtarët u lutën për më shumë harmoni e lumturi në familjet shqiptare. Katolikët në mesnatë dhe ortodoksët në mëngjes, kremtuan në të gjithë vendin festën e Krishtlindjes.

Bëhuni dritë për ata që u rrethojnë, ishte mesazhi i Arqipeshkvit Angelo Masafra për besimtarët katolitikë të Shkodrës. ”Ajo ditë e vogël që ndriçon jetën tonë mund të ndriçojë dhe të tjerët”,tha Masafra. Mesha e shenjtë e lindjes së Krishtit u pasua nga një spektakël fishekzjarresh.

Ndërsa ipeshkvi i Lezhës, Otavio Vitale, në mesazhin e tij u ndal tek largimi i shqiptarëve. ”Ndoshta është më mirë, garë e punës, garë ekonomike por nuk gjen një familje”,-Otavio Vitale. Nën frymën e solidaritetit, kjo Krishtlindje ishte e gëzueshme edhe për fëmijët në nevojë të Lezhës.

Që në orët e para të mëngjesit besimtarët ortodoksë mbushën kishat në të gjithë vendin për të festuar lindjen e Jezu Krishtit. Ata kryen ritet fetare dhe uruan për më shumë harmoni e lumturi në familjet shqiptare. Pas meshave të shenjta, festimet për Krishtlindjen vijojnë në familje sipas traditës.