Koalicion paszgjedhor? Zaimi: Nuk besoj që LDK do ketë kundërshtime

Anëtari i Lëvizjes Vetëvendosje, Arbër Zaimi në një lidhje telefonike për emisionin “Tempora” në RTV Ora tha se nuk bveson të ketë kundërshtime në realizimin e një koalicioni me LDK-në.

Arbër Zaimi: Ne prej një viti kemi diskutuar me LDK-në me synim arritjen e koalicionit parazgjedhor, jemi përafruar në masë të madhe në disa qëndrime dhe nuk kemi hasur në kundërshtime deri tani dhe nuk besoj se do të ketë në të ardhmen. Diskutimet për koalicion fillojnë pikërisht nga diskutimet për program dhe qëndrimet mbi çështje delikate. Qëndrimet tona pavarësisht se si mund të jenë shpërndarë prej medieve kanë qenë vazhdimisht racionale dhe që janë dëgjuar me vëmendje nga ndërkombëtarët. Pavarësisht populizmit të partive të vjetra, të cilët nën petkun e moderimit kanë fshehur gjithmonë korrupsionin.