Kodheli: Mbrojtja trashëgoi 14.3 milionë lekë borxhe, shlyem 90 %

Në seancë plenare po vijojnë diskutimet për projektligjin “Për miratimin e buxhetit faktik të shtetit për vitin 2014”.

Në fjalën e saj Ministrja e Mbrojtjes, Mimi Kodheli ka pasqyruar në diskutimin se çdo zë që ka konsumuar buxhetin në dispozicion të dikasterit që ajo drejton, për vitin 2014, një konsum i konsiderueshëm i është bërë këtij buxheti nga borxhi shumë i lartë i akumuluar ndër vite dhe i trashëguar nga qeveria paraardhëse“.

“Kemi trashëguar një borxh prej 14.3 milionë lekë i akumuluar që nga viti 2008, por i papublikuar, i cili është shlyer në masën 90% të tij”, shprehet Kodheli.

Ministria e Mbrojtjes ka menaxhuar me efikasitet të plotë buxhetin e 2014-ës, duke përmbushur detyrimet, si në kuadër të FA-së në NATO, ashtu edhe në aspektin e përmirësimit të shërbimit, përgatitjes ushtarake, infrastrukturës, motivimit të personelit, arsimimit dhe trajnimit të tij. Një zë i shpenzimeve në këtë buxhet ishte motivimi i personelit dhe arsimimi, ku janë rishikuar pagat në disa sektorë prioritar dhe janë bërë ndryshime në trajtimin e disa prej profesioneve të vështira. Aktualisht  150 studentë dhe ushtarakë studiojnë në akademitë dhe shkollat më të njohura në botë”, ka shtuan më tej Ministrja Kodheli.