Komisioni Europian reagon ndaj Berishës: Sulmet ndaj ambasadorit Gonzato të papranueshme

Ambasada e Gjermanisë në Tiranë ka publikuar një mesazh të dekanit të trupit diplomatik të vendeve anëtare të Bashkimit Europian, ambasadorit të Qipros në Athinë, Stavros Avgoustides, i cili mbulon edhe Shqipërinë.

Në mesazhin e publikuar është një deklaratë përbashkët e Ambasadorëve të BE-së të akredituar në Shqipëri ku theksohet mbështetja e plotë për ambasadorin e BE-së në Tiranë, Silvio Gonzato dhe ekipin e tij të punës.

“Në Ditën e Evropës, ne qëndrojmë të bashkuar në mbështetje të Ambasadorit të BE-së dhe ekipit të tij, dhe riafirmojmë besimin tonë të plotë në profesionalizmin, integritetin dhe shërbimin e tyre të përkushtuar”, thuhet në deklaratën e përbashkët të Ambasadorëve të BE-së të akredituar në Shqipëri.

Kujtojmë që ky mesazh i publikuar nga Ambasada e Gjermanisë në Tiranë vjen një ditë pasi kryetari i Partisë Demokratike, Sali Berisha, kritikoi sërish kryediplomatin e Bashkimit Europian në Tiranë, duke e akuzuar se sipas tij sillet si ambasador i kryeministrit Edi Rama.

“Ky zotëri, në mënyrë të pretenduar, ka transmetuar në Bruksel trillimet më të pavërteta ndaj opozitës, sikur ne nuk jemi për integrimin. Për të mos treguar shumë gjëra të tjera”, deklaroi Berisha