Komunistët: Kokëdhima na vodhi platformën

Komunistët ankohen se deputeti socialist, Koço Kokëdhima, u ka vjedhur platformën për legalizimin e hashashit.

Kreu i Fronit të Majtë, Marko Dajti, në një intervistë për Sot, tha se “do të ishte më e ndershme nga ana e tij të pranonte se kjo është një nga pikat e programit tonë, që vite më parë, dhe jo pjesë e programit radiofonik “Si të bëhesh milioner”. Kokëdhima ka vjedhur programin tonë. Legalizimi është një nga pikat e programit tonë, të cilën Kokëdhima e ka vjedhur”.

I pyetur se përse e braktisën koalicionin me Edi Ramën, Dajti tha se “nuk mund të ulemi në një tryezë me Bamir Topin, Nard Ndokën apo Shpëtim Idrizin”.

“Ishin këta që qendruan për vite në sofrën e Sali Berishës dhe tani erdhën te Rama me “lugë në brez””.