Koncerti i këngëtarit grek në Palasë u kthye në ”arenë boksi”, njëri prej të fortëve i përfshirë në politikë

Këngëtari grek Konstandinos Argjiros ishte i ftuar një natë më parë për një koncert në një lokal në Palasë të Vlorës, por pas përfundimit të performacës së tij, ambienti u kthye në “arenë boksi”.

Disa persona janë përfshirë në një sherr të rëndë fizik, si pasojë e të cilit ka mbetur i plagosur një 42-vjeçar, i identifikuar si Artur Koçeku. Ai është dhunuar nga dy persona të shpallur tashmë në kërkim, Xhoni Spaho dhe Genti Balec.

Spaho ka qenë më herët i përfshirë në politikë, kur kandidonte për deputet në zgjedhjet e vitit 2021, nga radhët e Partisë “Aleanca për Demokracinë e Re”. Policia vijon hetimet për zbardhjen e plotë të ngjarjes, thuhet se sherri ka nisur pas hapjes së një shampanje dhe përhapjes së pijes në tavolinat ngjitur.