Konferenca e donatorëve do mbahet në Bruksel, Soreca: BE qëndron pranë Shqipërisë

Konferenca e Donatorëve ku pritet që të mblidhen fonde për të ndihmuar Shqipërinë pas goditjes shkatërrimtare të tërmetit të 26 nëntorit të vitit që lamë pas, do të mbahet me 17 shkurt në Bruksel.

Vendin e mbajtjes së konferencës e ka bërë të ditur, ambasadori i BE-së në Tiranë Luigi Soreca, i cili me anë të një statusi në rrjetet sociale shkruan se Bashkimi Europian qëndron pranë Shqipërisë.

“Konferenca e donatorëve për të ndihmuar Shqipërinë në përpjekjet e saj për rindërtim pas tërmetit shkatërrues të 26 nëntorit të vitit të kaluar do të zhvillohet në 17 shkurt 2020 në Bruksel. Bashkimi Evropian qëndron pranë Shqipërisë. BE për Shqipërinë.” shkruan Soreca.