Ka nisur konferenca për mediat e kryeministrit Edi Rama dhe komisionerit për Zgjerim në BE, Oliver Varhelyi.
Në fjalën e tij, Rama falenderoi zyrtarin e BE-së për mbështetjen ndaj Shqipërisë dhe gjithë rajonit, pa harruar edhe vizitën e tij pas tërmetit tragjik të 26 Nëntorit.
“Të gjithë e kujtoni se ka qenë i pranishëm në vendin tone edhe në ditë shumë të vështira. Ndër të parët që na u gjendën në krah për të shprehur solidaritet me të gjitha familjet e goditura rëndë nga tërmeti.
Nga ana tjetër, kënaqësia është e veçantë pasi që në nisje të punës së tij, ka qenë mbështetës i pakursyer i të gjitha vendeve të rajonit, i Shqipërisë, në procesin e përshpejtimit në rrugën për çeljen e negociatave për anëtarësim në BE. Siç do ta thotë edhe vetë, nuk është mjaftuar vetëm në këtë aspekt, por është angazhuar në vetë të parë për një plan masiv e financiar për të gjithë rajonin. Dua ta falenderoj edhe publikisht”, tha Rama.