Konfirmohen dy raste me ethet e Nilit në Elbasan. Si është gjendja shëndetësore e dy pacientëve

Janë konfirmuar dy raste me ethet e Nilit në dy fshatra të Elbasanit.

Përkatësisht në fshatin Bujqes dhe Jagodinë dy persona kanë rezultuar të prekur nga virusi. Tashme të dy të shëruar dhe në gjendje të mirë shëndetësorë.

Njeri nga te prekurit është i moshuar 74 vjeç dhe tjetri 45 vjeç. Nga strukturat e kontraktuara për këtë çështje është bere dezinfektimi i të dy fshatrave.

Gjithashtu edhe Bashkia e Elbasanit ka bërë dezinfektimin e kontejnerëve te mbetjeve urbane në të gjithë zonën.