Kongresi i PS, Evis Kushi: Kryeministri do vijojë me turin e Asamblesë së zgjeruar në të gjitha qarqet

Duke folur për Kongresin e PS-së i cili është shtyrë për t’u mbajtur në dhjetor, me qëllim që fokusi aktual të jetë tek buxheti, deputetja e PS-së Evis Kushi tha se i gjithë sekretariati i partisë do të votëbesohet.

Po ashtu ajo thotë edhe do të miratohet platforma e re që po prezantohet nga kryeministri Edi Rama gjatë tureve të tij në qytete të ndryshme.

”Ne do të votohemi, i gjithë sekretariati. Do të miratohet edhe platforma, ato shtyllat që po i prezantojmë në asambletë socialiste. Kryeministri do shpalosë idetë, por në këto javë buxheti do jetë kryefjalë sepse është një buxhet shumë i rëndësishëm. Turi do të vazhdojë në të gjithë qarqet. Në çdo qark do jetë asambleja e zgjeruar e PS”,-tha Kushi.