Kontrolli fizik i automjeteve pa shkuar në zyrat e Drejtorisë së Transportit

Drejtoria e Përgjithshme e Shërbimit të Transportit Rrugor (DPSHTRR) përmes shërbimeve të reja (smart) lehtëson biznesin dhe qytetarët, të kursejnë kohë dhe kosto, në procedurat që duhet të kryejnë për mjetet e lëvizshme që disponojnë.

Sipas DPSHTRR-së, shërbimi më i ri “Easy Check” i mundëson të gjithë tregtarëve të mjeteve, të kryerjen procedurën e kontrollit fizik, pa shkuar domosdoshmërisht në zyrat rajonale të Transportit.

”Je dealer/koncesionar shitje automjete apo ke flotë mjetesh të rënda/të veçanta/të shumta si sasi dhe ke merak/risk sigurimin e mjetit apo vështirësi ardhje te rajonalet e DPSHTRR? Vjen Easy Check te ju! Kontrolli Fizik mobil, shërbim fleksibël i dedikuar në ndihmë të biznesit”.

Pas testimit të këtij shërbimi të ri, çdo gjë do jetë edhe me rezervim online i informatizuar dhe me leverdishmëri absolute reciproke. ”Ulim radhët te Kontrollit Fizik në rajonale, biznesi ul shpenzimet dhe riskun në minimum”.