Koronavirusi, njerëzit shfaqen me maska në rrugë (Foto)

Prekja e Italisë nga koronavisuri dhe vdekja e 7 personave, ka sjellë frikë dhe panik edhe në Shqipëri.

Jo vetëm nga fakti se është shteti fqinj i joni, por edhe sepse janë më shumë se 500 mijë shqiptarë që jetojnë e punojnë në Itali, frika dhe paniku në Shqipëri është rritur këto ditë.

Kjo shikohet edhe në sjelljen e njerëzve. Me mijëra u janë drejtuar farmacive për të blerë maska dhe dizifektant duarsh.

Kjo frikë ka nisur të pasqyrohet edhe në aktivitetet e përditshme.

LSA ka sjellë disa fotografi nga rrugët e Tiranës, ku dhjetëra njerëz kanë nisur të qarkullojnë me maska, për shkak të frikës ndaj koronavirusit.