Kosova takon gruan që i shpëtoi jetën 30 vjet më parë

Kandidati i PD për Bashkinë e Tiranës Halim Kosova ka vijuar takimet e tij në rrethinat e Tiranës. Sot Haim Kosova ka patur një takim të veçantë pasi takoi një grua të cilës i kishte shpëtuar jetën 30 vjet më parë.

"Takova pas 30 vitesh Lefterie Deliun. Ka qenë dimri i egër i vitit 85 kur i shkova në shtëpi në fshatin Shën Mëri. Rrezikonte jetën. Me makine deri në rrëzë te Dajtit, pastaj në këmbë me nxitim para se të bëhej lumi i pakalueshëm. Jam i gëzuar që dhe sot Lefteria gëzon shëndet të mirë. Ajo e mban mend atë natë të vështirë dhe më takoi sot për të shprehur sërish mirënjohje", shkruan Kosova në FB.