Kostoja e buxhetit për pensionistët në 2025, ministri Gonxhja: 770 milionë euro

Ministri i Ekonomisë, Kulturës dhe Inovacionit, Blendi Gonxhja në Kuvend, tha se për vitin 2025, kosto e buxhetit të shtetit për pensionistët kap shifrën 770 milionë euro. Për të indeksimi 4.1% për pensionistët është i përcaktuar me ligj dhe për vitin 2024 ky indeksim kushton 100 milionë euro nga buxheti i shtetit. Ai vuri në dukje, se akumuluar edhe për vitin tjetër ky tregues është edhe 100 milionë të tjera.

Ministri u ndaj në mbështetjen e vazhdueshme që qeveria adreson për pensionistët, ndër të cilat bonusi, reduktimi i çmimit të energjisë për kryefamiljarët vetmuar pensionistë etj. ”Duke llogaritur dhe bonusin për pensionistët llogaritet të kemi një ngarkesë financiar nga buxheti për vitet 2024-2025 në vlerën e 300 milionë eurove”, tha Gonxhja.

”Duke llogaritur edhe të gjitha mbështetjet që adresohen qeveria për pensionistët, plus dhe deficitin nga skema e kontributeve shoqërore, paketa financiare për pensionistët do t’i kushtoj buxhetit të shtetit 770 milionë euro për vitin 2025”.