Trupi gjykues i Kolegjit të Posaçëm të Apelimit (KPA), i përbërë nga Albana Shtylla kryesuese, Sokol Çomo relator, Ina Rama, Mimoza Tasi, Natasha Mulaj anëtarë, shpalli vendimin për çështjen që i përket ankimit të Komisionerit Publik kundër vendimit të Komisionit të Pavarur të Kualifikimit që lidhet me subjektin e rivlerësimit Besnik Hoxha.
Trupi gjykues në mënyrë unanime vendosi ndryshimin e vendimit të Komisionit të Pavarur të Kualifikimit dhe shkarkimin nga detyra të subjektit të rivlerësimit Besnik Hoxha. Ky vendim është përfundimtar dhe ka efekt të menjëhershëm.
Hoxha kryesoi më 8 shkurt 2013 trupën gjykuese që shpalli të pafajshëm ish-komandantin e Gardës së Republikës, Ndrea Prendi dhe gardistin Agim Llupo për 4 vrasjet e 21 Janarit.
21 Janari për herë të parë po hetohet nga SPAK si krim i pazabrdhur shtetëror ashtu siç Strasburgu e vlerësoi, por Gjykata e Tiranës në 2013-ën e shpalli Ndrean dhe Prendin të pafajshëm, të cilët më pas u dënuan në Apel. Me vendim të KPA ai bëhet gjyqtari i 10 nga 11 që kanë pasur në dorë krimin shtetëror të 13 viteve më parë, që janë larguar përfundimisht nga sistemi.