Kreu i KQZ-së tregon rrugën sesi diaspora të marrë pjesë në zgjedhje

Politika dështoi me diasporën për zgjedhjet e 25 prillit, por kreu i KQZ-së është besim plotë se objektivi për të mundësuar votimin e tyre ne zgjedhjet e ardhshme mund te realizohet. Ilirjan Celibashi zbulon variantin që mund të përmbushë kërkesat e palëve në proces.

“Duket që një pjesë e partive politike nuk e pëlqejnë votimin në ambasada, nuk e parapëlqejnë votimin nëpërmjet postes. Unë mendoj që një mënyrë hibride e votimit, duke kombinuar fletën e votimit me sistemin elektronik të dërgimit dhe marrjes së fletës së votimit do ishte mënyra më e përshtatshme“,-tha për “TCH”.

Përdorimi i teknologjisë është shtim i elementëve te sigurisë, por kohët e fundit kjo fjalë nuk gjen shume vend në Shqipëri në një kohë që të dhënat personale te qytetareve dolën sheshit.

“Nëse për zgjedhjet e ardhshme nuk do mundësohet votimi i mërgatës unë mendoj se është dështim spektakolar qoftë i institucionit të KQZ, por edhe partive politike apo dhe institucioneve të tjera që janë apo duhet të angazhohen në këtë proces“, thotë Celibashi.