Kreu veprime të turpshme në prani të të miturit, në pranga 45-vjeçari

Një 45-vjeçar i shpallur në kërkim kombëtar është vënë në pranga nga policia e Tiranës. Përmes një njoftimi zyrtar uniformat blu bëjnë me dije se është arrestuar 45-vjeçari me inicialet E. K., pasi në datën 1 shkurt të këtij viti ka kryer veprime të turpshme në prani të një shtetasi të mitur.

“Në vijim të punës për kapjen e personave në kërkim kombëtar dhe vënien e tyre përpara përgjegjësisë ligjore, nga shërbimet e Komisariatit Nr.6 u bë kapja dhe ndalimi i shtetasit E. K., 45 vjeç, i shpallur në kërkim për veprën penale “Vepra të turpshme” pasi me datë 01.02.2021, ka kryer veprime të turpshme në prani të një shtetasi të mitur”, njofton policia.