Kristi Pine: Për vrasjen e Leonard Murataj mora paradhënie 20 mijë euro, 30 të tjera do i merrja pas ekzekutimit

I penduari” i drejtësisë, Kriste Pine, ka filluar të tregojë me detaje krimet e grupit të vrasësve me pagesë, të cilët u arrestuan ditë më parë nga policia.

Ai ka thënë se ka marrë nga Admir Tafili 20 mijë euro paradhënie për ekzekutimin e biznesmenit Leonard Murataj.

30 mijë euro të tjera ai do t’i merrte pas ekzekutimit.

Pine, sipas “GSH”, ka thënë se është ndihmuar edhe nga Aleksandër Gora, tashmë i arrestuar dhe një person tjetër nga Durrësi, të cilit i ka dhënë dy pistoleta.

Por, pavarësisht pregatitjeve dhe paradhënies, Pine ka thënë se nuk e ka kryer ai vrasjen, por persona të tjerë, emrat e të cilëve i’ua ka treguar prokurorëve.

Kristi Pine u arrestua disa ditë më parë nga policia, së bashku me Aleksandër Goran dhe Alfred Qelian, pasi akuzohen për disa ekzekutime me pagesë.

Ata i merrnin urdhrat nga Admir Tafili, që aktualisht ndodhet në burg i dënuar për vrasje.