Kryetari i Bashkisë Librazhd, Mariglen Disha, ka zhvilluar një takim në Bolonjë të Italisë me bashkëqytetarin Alban Alla, i cili prej 25 vitesh jeton dhe punon në këtë qytet së bashku me familjen e tij.
Përmes një postimi, Disha vlerëson rrugëtimin e Allës, i cili falë punës, përkushtimit dhe këmbënguljes ka arritur të ndërtojë një rrjet prej 12 restorantesh, ku janë të punësuar rreth 180 deri në 210 persona, shumica prej tyre shqiptarë.
Kreu i Bashkisë Librazhd e cilëson historinë e sipërmarrësit nga Librazhdi si një shembull të suksesit të shqiptarëve në emigracion, duke theksuar kontributin e tij në krijimin e vendeve të punës dhe mbështetjen për bashkëkombësit.
“Historia e tij është shembull i sipërmarrjes shqiptare në emigracion, i suksesit të ndërtuar me punë dhe i kontributit në punësimin e bashkëkombësve tanë”, shprehet Disha.
Postimi i plotë
Një takim i veçantë në Bolonjë me Alban Allën, bashkëqytetarin tonë nga Librazhdi, i cili prej 25 vitesh jeton në këtë qytet me familjen e tij.
Me punë, përkushtim dhe këmbëngulje, Albani ka ndërtuar një rrjet prej 12 restorantesh, ku janë të punësuar rreth 180–210 persona, shumica prej tyre shqiptarë.
Historia e tij është shembull i sipërmarrjes shqiptare në emigracion, i suksesit të ndërtuar me punë dhe i kontributit në punësimin e bashkëkombësve tanë.
Si kryetar i Bashkisë Librazhd, ndihem krenar për bashkëqytetarët tanë që, kudo ku jetojnë, punojnë dhe ndërtojnë, mbajnë lart emrin e Librazhdit dhe të Shqipërisë.