Kryebashkiaku i Pukës i përgjigjet Berishës: Mos provoko malësorët

Kreu i Bashkisë së Pukës, Gjon Gjonaj ka reaguar, pas një statusi të Sali Berishës, se ai zotëron ara dhe magazina kanabisi në Pukë.

“Digital rrena vazhdon të njollosë e poshtërojë punën e kujtdo që bën përpjekje për zhvillimin e zonës së tij.

Pukjanët me njohin mirë mua dhe familjen time.

I tham digital rrenës se nuk jam njeriu i barutit, ku qindra familje shqiptare vajtojnë pandërprerje, por jam një qytetar i ndershëm i Pukës që po punoj me përkushtim të madh për të ndryshu atë skamje e varfëri në të cilin ai e la Pukën”, thotë ai.

“Berishës i drejtohem sot si malësor që ti lërë rehat malësoret të jetojnë në hallet e tyre pa u hedhur akuza për të cilat duhet të mbaj dhe përgjegjësi”, përfundon Gjonaj.