Kryeministri Rama: Çlirimi i hapësirave publike në Shkodër, hap drejt vizionit “Shqipëria 2030” në BE

Kryeministri Edi Rama ka njoftuar vijimin e procesit të çlirimit të hapësirave publike në Shkodër, një nismë që po zbatohet paralelisht edhe në disa qytete të tjera të vendit.

Sipas Ramës, kjo ndërhyrje është pjesë e programit “Rilindja Urbane 2.0”, i cili synon transformimin e hapësirave komunitare përmes bashkëpunimit midis qeverisë, bashkive, sipërmarrjes dhe komunitetit.

Në një postim në rrjetet sociale, kreu i qeverisë theksoi se programi i ri është në funksion të rritjes së cilësisë së jetës dhe në kuadër të vizionit për Shqipërinë 2030 në Bashkimin Europian.

“Me çlirimin e hapësirave publike në Shkodër, që vazhdon si në një sërë qytetesh të tjera, për t’i hapur rrugë Rilindjes Urbane 2.0, ju uroj një ditë të qetë,” – shkroi Rama.