Kryeministri Rama i nënshtrohet një ndërhyrjeje kirurgjikale

Kryeministri Edi Rama i është nënshtruar një ndërhyrje kirurgjikale në QSUT. Burime mediatike bëjnë me dije se ndërhyrja është kryer për hernien inguinale. Rama i është nënshtruar operacionit mëngjesin e sotëm. Hernie inguinale njihet në gjuhën popullore si dhjamthi.

Operacioni ka shkuar mirë, dhe kryeministri është në gjendje të mirë shëndetësore.

Kryeministri e paralajmëroi ndërhyrjen kirurgjikale pak ditë më parë gjatë inspektimit të hapjes së spitalit ditor brenda Qendrës Spitalore Universitare “Nënë Tereza”.

Kryeministria ka dhënë informacion zyrtar për gjendjen e kryeministrit Edi Rama.

“Në lidhje me pyetjet dhe kërkesën tuaj për informacion për ndërhyrjen kirurgjikale të Kryeministrit Edi Rama ju bëjmë me dije se:
Kryeministri Edi Rama aktualisht po i nënshtrohet një ndërhyrjeje kirurgjikale laparoskopike në Qendrën Spitalore Universitare ‘Nënë Tereza’.
Ekipi mjekësor nën drejtimin e Prof. Dr. Arben Gjata po kryen ndërhyrjen kirurgjikale të hernies inguinale.
Pas përfundimit të ndërhyrjes, Kryeministri Rama pritet të kalojë natën e sotme në mjediset spitalore të QSUNT”, deklaron Kryeministria.