
Kryeministri Rama përmes një videoje të postuar në rrjetet sociale ka prezantuar një tjetër perlë të natyrës shqiptarë, një tjetër destinacion të mahnitshëm për ata që duan të ndihen pjesë e gjallë e natyrës dhe të përfshihen në magjinë e saj
Kësaj here është “Ujëvara e Rasalit në Velçë të Selenicës, një tjetër destinacion i përzgjedhur nga vizitorët vendas e të huaj” shkruan Rama
Ujëvara e Rrasës së Velçës, e njohur gjithashtu si Ujëvara e Rasalit, është një destinacion natyror mahnitës në fshatin Velçë të Selenicës, në jug të Shqipërisë. Kjo ujëvarë është një atraksion i bukur dhe i fshehtë, i vendosur në një mjedis malor dhe të gjelbëruar. Ajo ofron një pamje mbresëlënëse të ujit që bie nga një lartësi e madhe, duke krijuar një spektakël të natyrshëm që tërheq vizitorë nga brenda dhe jashtë vendit.
Vizita në këtë ujëvarë është një përvojë unike për adhuruesit e natyrës dhe aventurave, pasi rruga për të arritur atje përfshin një ecje të këndshme dhe panoramike përmes terreneve malore dhe peizazheve të bukura. Ujëvara e Rasalit është ideale për një ekskursion ditor, ku vizitorët mund të shijojnë freskinë e ujit dhe qetësinë e natyrës përreth.
Spektakli i ujvarës që zbret nga një lartësi e madhe është ndoshta një prej më mahnitësve i natyrës shqiptare. Pamja është gjithashtu e rrallë dhe befasuese. Ajo fshihet si një thesar atje mes maleve, për t’iu ofruar atyre që guxojnë më shumë, e duan aventurën po aq sa dhe natyrën. Vetëm ata që ikin atje në zgafellat e rrëzimit të maleve, ata eksploratorë që e duan të bukurën, vetëm ata meritojnë të shpërblehen kaq bujarisht nga natyra shqiptare.
Albert Vataj/ Koha Jonë
