Kryeministria ruhej nga police femra, Bregu: Aty ishin 300 mijë protestues! (Foto)

Protesta e sotme e opozitës nuk shënoi asnjë incident, por vazhdon të bëj jehonë në rrjetet sociale. Deputetja e Partisë Demokratike, Majlinda Bregu, e gjendur mes protestës ka pasur kohë edhe për një selfie ku afër saj shihet edhe ish-deputeti dhe ministri i Partisë Socialiste, Agron Duka. Sakaq, Bregu në profilin e saj Facebook, pretendon se ishte “aty ku protestuan 300 mijë protestues”, duke i qëndruar shifrës së dhënë nga selia blu, pas përfundimit të protestës. Por ka bërë sërish jehonë në rrjetet sociale edhe fakti mbi zgjidhjen e bërë nga kryeministri Edi Rama për të mbrojtur godinën, edhe pse Policia e Shtetit kishte paralajmëruar një ditë më parë se protesta mund të ishte e dhunshme. Para godinës kryeministrisë ishte rreshtuar një kordon i gjatë me police femra, për të garantuar rendin, edhe pse numri i protestuesve të deklaruar nga PD-ja ishte me qindra mijëra vetë. Duhet theksuar se policet femra janë punësuar kryesisht gjatë qeverisjes së majtë.