Kryetari i bashkisë së Beratit, Ervin Demo priti në një takim ambasadorin e Holandës, Reinout Vos. Gjatë takimit Demo dhe Vos diskutuan mbi zhvillimet në qytet me fokus turizmin dhe agrobiznesin, si dhe investimet, të cilat e kanë kthyer Beratin në një destinacion të rëndësishëm ndërkombëtar të turizmit.
Investimet e kompanisë SHELL në Shpirag, ishin gjithashtu në fokus të bisedimeve, ku të pranishëm ishin Drejtori i SHELL Shqipëri, Anthonie Frens dhe përfaqësues të kompanive holandeze, të cilat operojnë në Berat në fushën e energjisë.
Berati ka shënuar një rritje të numrit të turistëve gjatë vitit të kaluar, kjo falë edhe investimeve që janë kryer dhe po kryhen në qytetin e një mbi një dritareve. Qeveria dhe Ministria e Turizmit dhe Mjedisit po punojnë për promovimin e vendit tonë, për të tërhequr sa më shumë turistë drejt vendit tonë.
