Kujdes! Nuk është nepërka. Është ky insekt më helmues se ajo

Stina e verës mbart rreziqe për shkak të pickimave nga insektet apo kafshimeve nga gjarpërinjtë.

Mjeku toksikolog, Lulëzim Banushaj ka folur në një intervistë për mediat lidhur me këtë çështje, teksa theksoi se merimangat e zeza janë bërë më helmuese se nepërka, qoftë edhe ato të voglat.

Sipas tij dhimbjet dhe pasojat që shkakton pickimi i saj janë shumë më të rënda kur i krahason me pickimet e tjera dhe ndodh që të ngatërrohen me dhimbje që i shkaktojnë sëmundjet që kanë nevojë për ndërhyrje kirurgjikale.

“Nëse personi nuk e ka kuptuar sepse ndonjëherë e ndjejnë që i ka pickuar diçka, por nuk e dinë se çfarë ne e kuptojmë nëpërmjet klinikës. Merimanga ka klinikë shumë të rëndë, me dhimbje shumë të forta, me ethe, dhimbje të të gjithë trupit, dhimbje të forta të barkut, që ngatërrohen dhe me sëmundje të tjera, me sëmundje kirurgjikale. Nga rastet që kemi parë ne është më helmuese se nepërka,” u shpreh mjeku.