Kume: E drejtë kërkesa për pamjet filmike gjatë numërimit, rrit transparencën dhe prodhon prova

Ish-kreu i KQZ-së, Kristaq Kume, thotë se është e drejtë e kandidatëve (referuar disa kandidatëve humbës) të kërkojnë pamjet filmike të numërimit. Për të kjo rrit transparencës. Sipas Kumes, Kodi zgjedhor tashmë përmban rivlerësimin dhe rinumërimin e votave nëse ekziston prova dhe jo thjesht dyshim. Pamjet filmike edhe mund ta vërtetojnë këtë.

”Sa i takon kërkesës për pamjet filmike, për mua i shërben transparencës së procesit. Rinumërimi prodhon prova. Gara është normale, madje e bukur, e paparashikuar. Garuesit kanë të drejtë të kërkojnë informacion të plotë. Mund të ketë gabime, nuk e quaj si mosbesim të njerëzve që kanë te numëruesit, edhe pse kanë qenë nën presion.

Garuesi, që pretendon që i është ngrënë haku, e ka të drejtë të kërkojë këtë. Nëse ka manipulim, numëruesi do të përgjigjet para ligjit, gjithnjë nëse ka prova. Kodi Zgjedhor tashmë ka rivlerësimin dhe numërimin. Kjo për të rritur transparencën. Hapja e kutive është tjetër gjë’‘,-tha Kume.